Gwilham ar Borgn - Ar Sac'h

Gwilham ar Borgn

AR SAC’H (77)

GWERZENN

AR PAOTR

Demat d’ar vamm, demat mat d’an tad,

Demat d’an holl zo en tiad,

’Menn ema waet ho merc’h Mari

Pa n’he gwellan ket ’barzh an ti.

Daet on a befiañs d’he gwelet.

Marse doc’hin hi deus kuzhet.

’Menn ema waet man dousig koant

Pa nend eus anezhi seblant.

HE ZUD

Den yaouank en em chifit ket

Rak Mari nend eo ket kollet,

Ema er park é labourat,

Ma nend eo ket waet d’ar marc’had.

AR PAOTR

Mard eo er park lârit dezhi

Mar plij genoc’h donet d’an ti,

Me zo koutant da zimeziñ

D’ho merc’h Mari mar he roit din.

HE ZUD

E’it dimeziñ un dra a vank,

Hon merc’h Mari zo re yaouank.

E’it mah vo roet deoc’h ho koulenn

Ret e vo deoc’h gortoz termen.

AR PAOTR

Mar bez ret gortoz me c’horto

Ha me da lâret : Kenavo,

Sur din da vout tapet ur sac’h

Get an dud-se el lec’h ur plac’h.

Notennoù Yezh

Demat {kredet ’m eus skriv «demat» kentoc’h eget «deiz mat»} d’ar vamm

’Menn ema waet = da belec’h eo aet…?

Pa n’he gwellan ket > pa !

a befiañs {befiañs = a-venefiañs GABAV = espres kaer = a-ratozh kaer (gwenedeg skrivet)} d’he gwelet.

daet on d’he gwelet = daet(deuet) on da welet anezhi}

doc’hin hi deus kuzhet. {kuzhat doc’h unan-bennak}

pa nend eus anezhi seblant = pa n’eus ket seblant anezhi = pa ne weler ket anezhi}

en em chifiñ D en um chifiñ / n’ho pezet ket aon / na vezit strafuilhet = arabat en em chaliñ ■ en em chifet ket

é labourat = o labourat}

Kenveriiñ : «Ma nend eo ket waet d’ar marc’had» ha «Pa n’he gwellan ket ’barzh an ti» / «ma» stagell = an tad a soñj e c’hellehe ar plac’h bout er marc’had ivez / «pa» stagell ivez = «peogwir» amañ }

«mard» eo er park / «mar» stagell = n’eo ket sur ar paotr amañ}

mar he roit din D mar he ret Tin (sandhi).

hon merc’h / hor merc’h}

E’it mah {mah = ma + e(h) D mé} vo roet deoc’h {sandhi ’rall roet deoc’h D reiToc’h}

gortoz termen = gortoz ur pennad}

mar bez ret gortoz (stumm boaz ar verb bout)= ma rankan gortoz = mard eo ret gortoz} ret gortoz me c’horto {me c’horto = me c’hortay (amzer da zont)}

Ha me da lâret = ha me ha lâret

kenavo D kenevo abalamour d’ar rannig verb «a» a vez distaget «e» er VP}

sur din = sur e oa evidin = sur e oan

«da vout» daou c’her e-lec’h unan : D devout

bout tapet ur sac’h {tapout/tapet/tapiñ ur sac’h = bout nac’het un DB

«el lec’h» evit «e-lec’h»} ur plac’h.

Page updated

Google Sites

Report abuse