AR VUGULEZ (19)

TON: Ar Bugul, Job ar Glean

1

Pep mitin, hañv ha goañv

D’ar lann get ma loened eh an

Hag e-pad an deiz men gan.

2

Ya, men gan hag a ziskan

Rak àr an douar, bras na bihan

En deus ur vuhez ker skañv.

3

Ar bugul get e foet darzh;

Me, azezet e-tal ar c’harzh,

Me nez ar stoup hag ar c’houarc'h.

4

Man gwerzhiad pa vez nezet,

E-raok dastum holl ma loened,

Me loened korn, man deved.

5

Get un tammig tralala,

Me sailh ar gordenn, a zañsa

Ha d'an holl me holleika.

6

Pe gasan ma saout d’ar gêr,

Int ev er fantan dour sklêr

Me ivez pa ’m bez dober

7

Goude em bez, ’barzh ar c’hraou,

Staget ar buoc’hed

Roet dezhe boued, brec’hadoù.

8

Me ra ar labour en ti.

Ar vestrez ’lies a c’hoari;

Met neuze me c’hoarzh geti.

9

A pe vez debret ma c’hoan,

Gwalc’het ar skudelloù d’am foan;

Skubet an ti hir ha moan.

10

Ha kempennet ar menaj;

Torchet ar gloestroù, an houarnaj,

Me ya d’ar c'hraou da filaj.

11

Ha get ar soñj e ma fenn,

Bemnoz da Zoue e ma fedenn,

Setu amañ man goulenn:

12

Un deiz mar bin-me mestrez,

Da vout eürus, roit din ar c’hres

Èl a pa oan bugulez.