PARDON SANT-YANN (33)

TON BAL

1

Pa vo arriu an nevez-hañv, an amzer vravañ a zo

Me yay da bardon de Sant-Yann

Heni Lojoù Diderlann

Get man dousig Mariann

Ya hon daou àr un dro.

2

Ya, ni yay hon daou ar un dro get ar memes minojenn

Ha mar pez ar vadelezh

Da lezel genin ho prec'h

Me roy man dorn deoc'h seul gwezh

Evit pas ar bazenn.

3

Èl evit pas holl ar girzhier a gement gavehomp razh,

Mont àr lein zo ret diwall

Met me ray c'haozh kement 'rall

A yay tre 'barzh an tu 'rall

Avet ho diskenn c'hoazh.

4

Pa vehomb arriu er chapel ni yay a-benn d'an oferenn

Hag evit kaout boneur

Get Sant-Yann hon patron paour

Ni zaoulino doc'h ar c'heur

E'it lâret ur bedenn.

5

Àr-lerc'h evit hor plijadur ni ray un tamm joaiusted

Hag a yay pe vehomb prest

D'ober div pe teir dro fest

Ha da glask, laosko ar rest,

Ur wezh chistr da evet.

6

En ur bas e Pont-ar-Lojoù me ray c'hoazh get ma mignon

Un div pe teir dro arre

Hon daou an eil d'egile

Evit achiuout an deiz

Ha finiñ ar pardon.

7

Ha me gaso man dous d'ar gêr get ur galon lan a joa,

Get soñjoù kaer e ma fenn

E distroin d'ar ger neuzen

A yay da gousket a-benn

Ken koutant èl ur roue.