GOUEL SANT JOZEB (71)

GWERZENN

O sant Jozeb, o sant karet;

Patron d’ar re zo dimezet.

Ho kouel santel gwraet bep blez

Pa gomañs an amzer nevez.

Pa za d’an deizioù da hirat

Get an heol pa gresk e lagad.

Ar bokedoù zigor en-dro

Hag ar goukou a za d’ar vro.

Holl an evned gan àr ar barr,

Ar baradoez gouezh àr an douar,

Ken a lâran a greiz kalon

Perak nend oc’h ket ma fatron?

Koutant vehen da vout Jozeb

Èl ma c’hoar ha ma moereb.

Hemp ankouazhat ma amied

D’ar re yaouank me hast lâret:

«Daet on hiriv d’ho enoriñ

A gres deoc’h razh da zimeziñ.

D’ar re gozh e lâran gwell c’hoazh.

Gres deoc’h da veviñ pell ha yac’h.

Gres d’an holl da vout eürus

Èl get Jozeb ar mab Jezus,

Ha da reiñ ur baradoez hemb par

D’an holl Jozeboù ag an douar.

D’ho enor setu ma boked,

Karantez a-barzh ne vank ket.