AN DIZANSION* (76)

TON GALLEG

-AR PLAC’H-

Mar laosken ac’hanoc’h

Donet da man gwelet,

Me ho kare muioc’h

E’it ne raen den erbet.

M’ho tegemere mat

A pa zaec’h da ma zi,

Ha gober kalonad

Din, me, bremañ ker kriz?

Nend oc’h ket ma heni.

2

Mar hoc’h eus dalc’het soñj mat

Me yae genoc’h diouzhtu,

Er foarioù, er marc’had,

Da goroll ’barzh ar c’hovu.

En davarn a-kostez

Eh omp bet àr un dro

’Lies é klask kafe

Met bremañ: kenavo

Ha nend eo ket en-dro.

3

Me ’m boa roet ma c’halon

Deoc’h ha ma c’harantez;

C’hwi a oa ma mignon

Ha bet hed ho puhez.

C’hwi hoc’h eus man gwall aozet

Get ho komzoù re fall,

Ivez deoc’h glac’haret

E lâran klask un all

Soñjal ennon ne talv.

4

A pa pize karet

Bout gwraet ma santimant,

Ho tous vehen berped

Ha c’hwi c’hoazh man galant.

Ya, en ur gemer sur

Genin an tu bravoc’h,

D’am c’havout , plijadur

Am behe bet genoc’h,

Met bremañ setu — kaoc’h.

5

O pas, pas, e’it biken

Nend eus ket a bardon,

Lakaet am eus em fenn

N’ho po mui ma c’halon.

Marse ar garantez

A ray un all fidel

A vo kerkours

Èl hos heni pe gwell.

Kerzhit doc’hin-me pell.

-AR PAOTR-

DISKAN

Man dous karet, selaouit ma fedenn ;

Lan a c’hlac’har e lâran deoc’h a-benn :

Pardonit din e’it bout deoc’h displijet

Ha chomit c’hoazh, din-me, man dous berped.