AR C’HLEÑVED SEC’H, PE AR POTRINER (67)

TON GALLEG

DISKAN

O man Doue; o tad tener

Ho pezet truez doc’h ar c’haezh potriner.

Laoskit ac’hanon d'achiuout c’hoazh an deiz

Rak pa sonjan ne ’m eus netra ugent vlez.

1

Astennet on amañ àr man gwele;

Nend eus ket mui esperañs e’idin-me,

Kollet eo din man galloud ha ma nerzh,

Kenavo d’holl ar re chom àr ma lerc’h.

2

Kenavo deoc’h, tad ha mamm, breur ha c’hoar,

Ret eo kuitat: me zo ur potriner.

Ya, yaouank flamm ema ret din mervel

Ha n’em boa gwraet ’maet kuitat ma c’havel.

3

Kuitat ar bed d’an oed a ugent vlez,

D’ar c’hours mand eo gwevn din ar vuhez.

Èl ur blantenn drailhet get en avel

Hañval doc’hti ema ret din mervel.

4

Evidon-me ema arriu ar fin.

Èl ur boket é padiñ ur mitin.

Deusto mervel d’an oad-mañ a zo kriz

Voloñtez Doue a zo ret da heuli.