AN DORNEREZ (70)

TON A BOZ

An dornerez,

C’hwi, c’hwi, c’hwi, pa c’hwitell,

Me laka pres

Hag a hast par mah c’hell,

Me dap ma forc’h,

Me gavlod, ma rastell,

Ne ran ket forzh

Hej-plouz pe «dic’hoaspell».

A pa soñjan

’Barzh an amzer baset,

Ar mod gwellañ

Veze neuze gwelet

Kemer ur frailh

Ha skoiñ ag ar startañ

Dehoù doc’h kleiz

Ha sach d’ar re kreñvañ.

2

Daomb d’an akord

A lâre meur a re;

D’er frap ur sort

E’it an dornour nevez.

Ar frailh, allas!

E zo waet a-kostez,

Me gred nepas

Gwelet vez c’hoazh bep blez.

3

Setu arriu

An dornerez-machin,

Komañs, achiu,

’A-benn e vêr er fin.

Met pa soñjit

E chom c’hoazh da c’hober

Forzh pegement

Seizh tachenn e pep kêr.

4

Machin a jav,

A dan pe a betrol,

Heni er vro

Ne blijo mat d’an holl.

Ar frailh neoazh

Get gwalenn ha tedouch

A zorne razh

Pa oa ma zad kozh chouch.

5

Neoazh get gres

E lâromp trugarez

D’an dornerez,

Ne vez ’maet glav bemdez;

Avel, tampest.

Nend eo ket mui èl kent

E kreiz miz Eost

Ema miz an azvent.

6

Kaoc’h a lâran

Bremañ pand eus daet heol,

Chom a rin klañv

Get dornerez an diaoul,

Mat eo hemb kin

Da verrat hon buhez.

Kuit a vachin

Ni ray seizh bann bamdez.