AR BOULOM (75)

TON: Ar vaouez gozh a vourc’h Elven.

1

A pa oan-me ugent vlez

Me oa-me ur paotr koant.

Ne oa ket er c’hornad-se

Ker labous na vailhant.

Met an amzer goude

E’idin en deus paset,

Ha bremañ nend on-me

’Maet ur c’hozh den kroset.

2

D’ar c’hours-se me yae d'ar foar

A yae d’ar pardonioù.

Get man dousig àr er gêr

Hag àr un dro hon-daou.

Met bremañ hemp fichal

Er gêr ema ret chom,

Den yaouank gwezharall,

Hiriv eh on boulom.

3

Er parkoù é labourat

Me rae a bep feson.

Berped kours ha diwezhat,

Dalc’hmat adal kalon.

Met bremañ get mam bazh

Me chom tostik d’ar gêr.

Gwraet eo ma labour razh ;

Achiu eo ma amzer.

4

A pa yaen-me da zañsal

Ne oa ket èldin c’hoazh.

Me rae ar fest hag ar bal,

Hag holl an dansoù razh.

Met bremañ n’hellan ket

Gober èl em eus gwraet;

Man divhar a zo reut

Ha ne gerzh ket ma zreid.

5

Evit lezel ur poz kan,

N’oa ket èldin arre.

Joaiusted a veze lan

E-menn e vezen-me,

Met, mar oan ur mat kent

Falloc’h on e’it heni.

Kollet eo din man dent

E’it kaniñ nend on mui.

6

Met me c’hell reiñ un aviz

D’an holl a zo yaouank,

’Balamor d’am c’hozhoniz,

Selaouit-me hemp mank:

«Kemerit plijadur

Bremañ a pa c’hellit,

A p’ho po, a dra sur,

Ma oad, n’hellahet ket.»