1

AR VELO PE MARC’H-HOUARN

MERC’HED AR BREZEL (45)

TON DA GOROLL

An nozoù zo berraet ha hiraet an deizioù

Paset eo an amzer da vont d’ar filajoù

Bremañ ne vo ket mui kartoù na domino

Met deomp buan d’ar marc’had prenomp pep a velo

Hag a pa vo hon soñj, mar vêmp yac’h ha dispos

Ni ray «rouli-roula» ag ar mitin d’an noz

Pa vo arriu an hañv ni yay d’ar pardonioù

D’ar re dost, d’ar re bell doc’h em gavo an traoù

Ni yay àr un dro pep unan e varc’h-houarn

Ha valeo neuze krog mat en e ziskouarn.

Dre bardon bleuñv Ploue e vo gwell deomp komañs

Èl-se ema ar mod ha ne talv ket en chañch

Ni yay da Sklaerder Baod, yay da Sant-Korneli

’Zay dre an Neizin d’ar gêr en ur bas dre Bondi

Mar n’houlennomp ket chom e Sant-Yann Seglian

Ni dreuzo ar Faoued yay da santez-Barban

Ni yay c’hoazh d’an tu ’rall, da Vur, da Lanniskad

Ni yay tre da Wengamp e bro ar C’hernavad

En ur zistroiñ d’an diaz da gavet bourc’h Mêlrand

Chapel Santez-Anna a gavehomp koutant

Goude bout bet enni lâret pep a bater

Ni zistroay da Wened el lec’h donet d’ar gêr

Ha ma n’houlennamp ket donet c’hoazh àr hon giz

Ni dreuzo an Naoned a yay tre da Bariz

Mar droa memp en hon penn ni yay razh da welet

Pep unan e c’halant a zo ’c’houarn ar Boched

Goude mar gavamp kaer, mar gredomp gober gwell

Ni chomo en «tranchée» bet-hag fin ar brezel.

Pa vo sinet ar peoc’h ni zay holl àr un dro

Soudardet ha merc’hed d’ar gêr àr hon velo.

Diwezhatoc’h un deiz pa sono ar bombard

Àr hon velo arre ni yay holl d’ar chervad .

Ar brezel zo achiu, ar «poilu» zo er gêr

Paset eo ar chervad, kavet hom boa deverr.

— Ar marc’h-houarn a-kostez a zo chomet merglet

Me gred nend eo ket mat d’ar merc’hed dimezet.

AR VELO PE MARC’H-HOUARN / belo / bisiklet

nozoù {nozioù}

zo berraet {berraat D berrat}

ha hiraet {hiraat D hirat}

deomp {deomp D dam(b)}

{pep (peb / bep )} a velo

hon soñj {hor soñj hon soñj},

mar vêmp {bemp = stumm boaz! GAG /vemb/ vezomp}

ober rouli-roula}

d’ar re bell {fari en destenn re ha n’eo ket dé}

doc’h em gavo an traoù { doc’h em gavo an traoù}

pep {pep ?} unan e varc’h-houarn

ziskouarn. {diskouarn ar velo !}

bleuñv D bleu} Ploue

gwell {gwell/gwelloc’h}

ne talv ket en chañch {ne talv ket ar boan D’ta(l)/(r) tcheu boen}

an Neizin {Neizin D Nein}

Mar n’houlennomp ket{ur fari zo n’eo ket Mar m’houlennomp ket / Mar n’houlennomp ket kentoc’h / ne c’houllomp ket = ne fell ket deomp/ n’houllomp ket}

da Wengamp e bro ar C’hernavad {Gwengamp zo e bro-Dreger!}

En ur zistroiñ {distreiñ}

d’an diaz {d’an diaz / d’an niaz}

a gavehomp {kavehemb / kavimp}

Goude bout bet enni {enni /én hi / er chapel enta}

pep a bater + pep a velo!

el lec’h {el lec’h / e lec’h}

dont àr hon giz = distreiñ / donet en-dro}

an Naoned {D en Nañned}

razh {razh / rac’h / rac’h’bezh ! = rac’h a-bezh / tout /

Pep unan e c’halant e zo ’houarn ar Boched {?? Galant??/ gallont?}

bet-hag {bet-hag fin ar b./ «beta» fin ar b. a vehe gwell}

brezel {al Leoniz a lâr ar vrezel}.

hon velo {hon velo/hor velo/hor belo!}.

ar bombard {bombard> gourel !}

ar chervad {chervad/friko/pred bras}.

hom boa {hom boa / hor boa /hum boé}

deverr {deverr (dibabet amañ )/ diverr / deverrañs = didu / diduell / diduamant}.

a-kostez {a-kostez /a-gostez}

merglet {D melget «l» v «r» }

nend eo ket mat {nend eo ket mat/n’eo ket mat}