AR BOTOUR-KOAD (52)

TON BAL

DISKAN

Ar botour-koad e’it kaout boued,

Nend eo ket ret bemdez gounit.

1

Ne vez ket gwelet ur botour

É evet dour a pa labour.

Kement-se a zo un enour

Dreist pep tra e’it ur micherour.

2

Goude gober ’lies ar lun

Ne labour ket kalz er sizhun,

Debriñ a ra e fortun

Ne chom ket ur c’hornad butun.

3

Tra ma pad getoñ an argant

E vez rejouisañs ur momand.

Ar c’hafe du, ar gwin ardant

A vez gwellañ d’e santimant.

4

Pa vez arriu goulev ar yalc’h

E vez ret mat lâret trawalc’h

Hag ar botour-koad a viskoazh

A zebr doc’h ur penn e draou razh.

5

Neuze get un tammig droug penn

Ar botour-koad d’ar gêr em denn.

Hag ar labour monet a-benn

Hemp debriñ un tamm bouid a-grenn.