AR GANNEREZ PE GWALC’HEREZ

(25)

(la lavandière )

Peb unan a lâr din e ran mat man dever

Pa yan da vord ar stêr da ganniñ man danter.

Da ganniñ man dantel ha ma stagelligoù

’Vo lakaet da stiriñ pa vo deiz ar gouelioù.

’Vo lakaet da stiriñ pa vo deiz ar pardon.

Hag e tay d’am gwelet man gwellikañ mignon.

A-benn pa vo kannet m’en lakay da sec’hiñ

Ar veg ur bodig lann pe ledet àr an drein,

Doc’h ur bodig koad, àr ar barrig tostañ

E-menn paray an heol tro an deiz ar gwellañ,

M’en lakay paket mat da viret em c’hredañs

Hag en kavo àr-lerc’h d’ober an deverrañs.

Monet a pa vo brav, d’an hañv, d’ar pardonioù

Ha da gours malarde getoñ d’an euredoù.

Pardonioù kaer mam bro, ken joaius ha ken gae,

Get joa e ma c’halon ho kortozan bep blez.

Kenkours èl d’ar goañv pa glevan ar bombard

Bleuñviñ ra ma c’halon é vonet d’ar chervad,

Ha me lâr dre ma soñj: pegours e vo ma zro,

Pegours an deiz kaer-se ei’din-me arriuo?»

Rak nend eus àr an douar sur erbet eürusted

Brasoc’h e’it an heni a zo deiz ho eured.

Met ma mamm a lâr din eh on c’hoazh yaouank mat

Evit kemer pried ha kondui tiegezhad:

Setu perak koutant me sento mat doc’hti,

D’an holl me ray ar lez, kemer ne rin heni.

Kannerez Gwazh-Sar.