AR PLAC’H YAOUANK (51)

TON A BOZ

1

Ma zad a zo labourer-douar;

Ur vicher hag a zo hemp par.

Ar veitourez on-me.

2

Eñv ’deus parkoù ha pradoùier;

Lannegi vras ha koadoùier.

Ar vinourez on-me.

3

En e parkoù eñv en deus ed

Hag en e graou saout ha deved.

Ar vugulez on-me.

4

Ha ’barzh an ti, hemp nac’hiñ tamm,

’Balamour ema marv ma mamm.

Ar vestrez c’hoazh on-me.

5

Mem boazh ar yod, ra ar bara,

Me c’hoer ar seud, a ribota

Ar vatezh vras on-me.

6

Me ya d’ar foar ha d’ar marc’had;

Me bren danvez get me sac’had.

Marc’hadourez on-me.

7

Me zo soñjet mar plij get Doue

Kaout pried ha bugale.

Tiegezhourez vin-me.

8

Ha p’arriuo din da vervel

Doc’hte get joa e rin ur sell

D’ar baradoez eh in-me.