MA C'HAMARADEZ (35)

TON NEVEZ A BOZ

— «O ma mignonne, ma mignonnette»

C'hwi zo ken brav èl ur boked;

C'hwi n'hoc'h eus c'hoazh 'maet triwec'h vlez,

Me 'm bo tuchant teir gwezh ho re.

— Get ar brezel 'm eus ho hentet,

Ne roin-me lec'h 'maet d'ho pried

En ur c'houarn e kreiz ma c'halon

Karantez c'hoazh e'it ma mignon.

— Ur c'hres a c'houlennan get Doue

E arriuo buan an deiz-se

Pas e'it koll ma c'hamaradez

Met e'it he boneur e'it james.

— D'an eured e vin pedet sur

Monet a rin get plijadur

Get me zok gloan ha ma burenn

E man daouarn ur gatevenn.

— «Ma c'hamaradez bezit eurus

A lârin dezhi ken joaius:

Gres deoc'h da chom pell àr an douar

Hemp anavout poan na glac'har.»

— Ar soñj kaer-se zo daet d'out gwir,

Eurus eo ma c'hamaradez,

Ha ma vez gwraet doc'h man dezir

Holl ar re 'rall a vo ken aes.