AR C’HROUADUR (56)

TON GALLEG A BOZ

DISKAN

Met da c’hortoz, àr mam barlenn,

Gwrait ma c’hrouadur toutou mignon.

Met da c’hortoz, en ho kavell,

Gwrait ma c’hrouadur toutou c’hoazh gwell.

1

Petra vehet-c’hwi un deiz zo?

Lârit-c’hwi din ’ta ma c’hrouadur.

Labourer-douar, peizant, aotrou?

Heni ne c’hell goût a dra sur.

2

Èl ho tud kozh c’hwi vo peizant,

Pe marse c’hoazh den studiet.

En ur gêr vras, un aotrou koant,

Pe ur mestr àr ar soudarded.

3

Marse c’hwi vo un den santel

A yay sur mat da vout beleg

Pe martelod er broioù pell

Ha pas hos amzer é redek.

4

Marse c’hwi vo den a vadoù.

Gronnet a argant hag aour,

Met marse, lan a vizerioù

Ne vehet netra met ur paour.

5

Marse é skriv get ar bluenn

C’hwi ’po amzer skañv ha deverr.

Marse er bed, evit em denn,

E vo forzh kalet ho micher.

6

Met bezit dalc’hmat den onest

Er plijadur èl er poanioù,

Rak kement-se e zo a-dreist

Ar pezh a zo a vicherioù.