AR POST TELEGRAF

Gwerzenn

— Me zo-me ur post telegraf,

Uhel ha plom èl ur berchenn ,

Ha me sav ken uhel ma fenn

Hañval doc’h heni ur jiraf.

— Eh on amañ e kreiz ur lann

Èl ur soudard pa vez gedour,

Get ar re ’rall doc’h ma sikour,

Prest-kaer da gomañs an emgann.

— Hañvaloc’h c’hoazh un tavarnour,

Gronet on tre a chopinoù,

Met é welet ma chalennoù [1]

Eh on kentoc’h ur galeour.

— Da vout flatour e vehen gwell,

N'em eus ’maet digor man diskouarn

Pa bas àr hon neudennoù houarn

An doare a dost hag a bell.

— Doc’h kement-se me chom digas

Gwell eo din lâret sorc’hiennoù

D’an nemb en deus c’hoant da’m selaou,

D'ar re vihan èl d'ar re vras.

Beg-kloz.

[1] chadennoù