AR GRIP ESPAGNOL (44)

TON A BOZ

— Get brezelioù - ha n'achiu ket -

Kleñvedoù bras a za berped.

— Ar grip espagnol za d'an holl

Ha kent mervel e taer da vout foll.

— D'an dud yaouank e ta hemp mank

Met d'ar re gozh nend a ket stank.

— Mar zegouezh deoc'h chom klañv un deiz

Get ar c'hleñved-se a-nevez.

— En anavout a zo aes bras:

Droug kein, droug penn,droug kof, ar paz.

— Ar gwellañ tra hoc'h eus d'ober

Chom en ho kwele a-benn kaer.

— Get kafe du hag evaj tomm

Marse c'hwi chomo c'hoazh da blom.

— Met mar zegouezh deoc'h ankouat

Evit traoù sklasus ha yen mat.

— Ar marv a arriu èl ur laer

A gas d'an douar ar breur, an c'hoar.

— Ne chom ket mui heni en ti

Met ur vamm baour lan a soursi.

— Rak he gwaz a zo er brezel

Get ar mab koshañ waet da heul.

DISKAN:

Ar grip espagnol a za d'an holl

Pardon man Doue

Met ar vuhez faot ket da goll

Ho pezet truez.