MA ZOK PLAT (64)
GWERZENN
DISKAN:
Ma zok plat, ma zok plat,
Get e voulouzenn ledan,
A zo a man dilhad
Ar pezh a garan muiañ.
Me zok plat, ma zok plat
A zo èl ur boked
Ha me c’hoarno berped
Ken pell evel dalc’hmat,
Ya me c’houarno berped
Àr ma fenn an tok plat.
1
Àr-lerc’h ur boned gwenn
Bihanig am boa bet,
Lakaet oa àr ma fenn
Un tok voulouzennet
Get ur bokedig kaer
E-tal ur blouk argant,
Hag a-raok ur miloer
Evit er lakat koant.
2
Un tok èl ma heni
A lâras din ma zad.
Kemerit mat soursi
D’er gouarn genoc’h dalc’hmat.
Bezet ne vern an oad
Na ne vern e pezh bro
Èldin, me ’m eus ar gred
Dezhoñ fidel d'ho tro.
3
A pa vez tomm d’an hañv,
Doc’h terennoù an heol
Get e vordenn ledan
Eñv ra din an disheol,
Hag a pa gouezh ar glav
’Liés get gwall amzer,
Pell doc’h ma fenn ken brav
Eñv ra d’an dour diver.
4
Nend eus ket e nebtu
A dra sur mod ken sot
Evel tok un Aotrou
Ken hir èl ur ribot;
A boan mar bas en nor
Ma nend eo ket uhel.
«Lakait-eñv àr ho tor;
Aotrou, ha c’hwi ray gwell.»
5
Na «kepi» ar soudard?
«Kasket» artizan-kêr?
Ne vo ket den gaillart
Get torchourioù dister.
Nag an tokoù bourc’hiz
A vez dre-se gwelet?
An tok plat da’m aviz
A zo ar mestr berped.
6
Penaos enta neuze
Dilezel an tok plat
Hag a zo bet bemdez
A rummad da rummad
Douget get hon tadoù
Gwazet a Vreizh-lzel?
Chañch un deiz hon tokoù?
Kentoc’h kant gwezh mervel.