AR WERZHEREZ DOUR (29)

TON GALLEG: Le chat noir.

DISKAN:

Tostait ma c'hoar baour,

En ur vonet d'ar gêr,

Da glask ur wezh dour

A fantan ar Voustoer.

Evit ho poneur

E lârin ur bater.

Roit ivez d'ar paour

An alezon mam breur.

1

Me zo gwerzherez dour e fantan ar pardon

Ha m'allum ar goloù dirak treid an Intron.

Me zo santez hiriv é lâret ma fater;

Àrc'hoazh e vin diaoulez pa vin arriu er gêr.

2

Me zo gwerzherez dour e fantan ar santez

Hag àr un dro paourez ha laerez c'hoazh 'lies.

Me zo ur gozh boufam hemp feiz ha hemp kalon;

Àr un dro paterat me daol malediksion.

3

Me zo ar fallañ gwrac'h zo marse àr an douar.

Me zo ur sorserez hag a daula ar barr.

Àr un dro kaozeal brav me lak an disañsion.

Holl ar c'hornad a-bezh gren é pas etalon.

4

Me gav an traou kuzhet hag en traou kollet razh;

Nend eus ket 'maetdonet da gas argant d'ar wrac'h.

Me aesa d'an derzhienn ha d'ar c'hleñvedoù holl,

É lâret ur bater hag e lâran d'an diaoul.

5

Me zo ar fallañ maouez a zo 'barzh ar c'hanton;

N'en deus na onestiz, na kousiañs evidon

Mar ran-me plijadur, 'liesoc'h e ran poan

Ivez, pa varvin-me, ne rin ket keuz da zen.