MA Zl DIWEZHAÑ (5)

TON: Stourn an Tregont

(Barzhaz-Breizh).

1

Lâret vez e-mesk get an holl

Ema waet un den da vout foll

Pa ra, hemp kuitaat Breizh-lzel,

Manerioù kaer er broioù pell.

2

Pa lâromp en ur mod arall,

Ger ha ger èl mah lâr ar Gall

A pa ra hemp kuitaat Bretagn

Manerioù kaer e bro ar Spagn.

3

Nend on ket me soñjet d’ober

Evel ar re-se, ur maner.

Nebeutoc’h c’hoazh kuitaat ar vro;

Da heni lâret: kenavo

4

Met soñjet on a pa vin kozh.

Hag er c’huzhet ne ran ket deoc’h,

Dilezel ma zi a ziàr-vaez;

Tostaat da ma iliz parrez.

5

Tostaat d’an douar-hont a zaeroù

Lec’h m’ema bezioù hon tadoù,

Evit kemer e peoc’h, da c’hortoz

Kent achiu, un tammig repoz.

6

An deiz-se, mar savan un ti,

D’er gober e lakin soursi

Mah vo tre àr lein ur menez,

Distroet raktal d’an heol kreistez.

7

E-menn e c’hellin gwelet pell

Tro-distro din pa rin ur sell,

Hag an avel é huanadiñ

A ray c’hoazh nerzh din da ganiñ.

8

Lec’h mah c’hellin a doull man dor,

Gwelet ar c’houmoul dreist ar mor,

Gwelet an ti mah on ganet;

Gwelet ur lec’h din er vered.

9

E-menn, e-raok mont e gouarn-Doue,

A pa vin klañv àr man gwele,

E c’hellin, em foan, gwelet gwell

Lec’h mam bez e’it lec’h ma c’havell

10

Setu, d’am zi, ar lec’h choazet

Da c’hortoz un all er vered.

Met Doue e’it an Éternité

A roy kalz gwell d’e vugale.