AN DURZHUNELL (38)

TON NEVEZ

(Almanak an U. R. B.)

1

N'hoc'h eus ket klevet èldin-me — pa vez miz Mae,

An durzhunell èl ur vatezh

É c'hoeriñ he saout d'he devezh? trrr. trrr. trrr.

2

Nend eus ket geti é c'hoeriñ — sailh na koupenn

Hag el lec'h laezh er yeotenn, vez

Ne c'hoer hempken 'maet karantez.

3

Turzhunellig lan a zouster — ha ken tener

Ma en em daolit get glac'har

Da vervel pa gollit ho par.

4

Ar goukou genoc'h en deus mezh — hemp par na neizh

C'hwi chom genomp e-pad an hañv

Evit desav ho re vihan.

5

C'hwi zo skouer ar briedelezh — er bed a-bezh

Tra ma vevit c'hwi c'houarn ker pell,

Etredoc'h karantez fidel.

6

Met pa vez tost an amzer griz — ho par ha c'hwi

Kuitat ar vro a zo ret deoc'h

Monet d'un all a vez tommoc'h.

7

Hag er vro-se èl e honnañ — get ho sonenn

C'hwi c'hoero èl amañ bemdez

Pas saout, na laezh met karantez.

Trrr. trrr. trrr.