AR GAOUENN (39)

DISKAN

You hou hou hou! kri ar gaouenn

Kri hon tud kozh ’barzh an emgann

Un huch a joa hag a vrezel:

Dalc’homp d’hor bro bet-ha mervel.

1

En ur greuzenn e kreiz ar c’hoad

— He-unan kaer èl ur monac’h —

N’hoc’h eus ket gwezh-a-vez klevet

Sonenn hirvoudus ar penn-kazh?

You hou hou hou!

2

Ar goukou lâr : koukou, koukou;

Ar gaouenn a ra: you hou hou,

An eostig-nozgan pa vez kaer,

Ar gaouenn pa vez gwall amzer.

You hou hou hou!

3

Kuitaat bep blez, donet en-dro

A ra lod kaer ag an evned;

Ar gaouenn chom bepred er vro

Èl gwezharall ar Vretoned.

You hou hou hou!

4

Ar chouaned e’it em zastum

A huche d’an eil d’egile:

You hou hou! èl mah oant kustum.

En hor bro difennomp ar Feiz.

You hou hou hou!

5

Da noz pa glevan, d’ar goañv,

Kri ar gaouenn lan a dristez,

Me dosta mui-oc’h-mui d’an tan ;

Me ya donoc’h e man gwele.

You hou hou hou!

6

You hou hou hou! e’it ar paour-kaezh

N’en deus na boued na lojeris.

Digorit buan dor ho tiegezh

E’it digor deoc’h ar bara’ouez,

You hou hou hou!