AR GOUKOU (37)

TON NEVEZ

(Dihunamb)

1

Me zo un evn hag anavit, o

Rak me za bep blez d'ho kwelet, koukou

A lâr ar memp sonenn berped, tokoù-plouz.

2

Nend on ket bras a zivaskel,

Na ma sonenn nend eo ket gwell

Met d'ho kwelet me za fidel.

3

Ya, bep blez e tan-me d'ar vro

Get an amzer vrav àr un dro,

Met pa vo re domm me guito.

4

Arriu ran 'benn fin miz Meurzh;

Gouel sant Jozeb, 'lies àr-lerc'h

Mar bez da zoujiñ skorn hag erc'h.

5

Met ne choman ket hir amzer

Etre gouel Yec'hann ha gouel Pêr

E vez mall din monet d'ar gêr.

6

Heni ne oui a venn e tan,

E-menn pasan m'amzer vrasañ,

Na d'e-menn eh an pa kuitan.

7

N'em eus na bro, na kar, na par.

Me zo desavet en arvar

Get un evnig, ar gwrac'hig-douar;

8

Lâret e vez hemp nac'hiñ tamm

Am boa-hi debret, ma lez-vamm

A gement-se me zo divlam.

9

Rak pa vehe gwir an istoer

Dalc'het am behe d'ober

Evel ar skoul hag ar spalfer.

10

Pa vez paset amzer miz mae,

Mam bouezh raouiet ne lâr ket ger {gê}:

Er-walc'h am bez kanet e'it ur blez.

11

Met 'benn ar blez mar dan en-dro,

Me gano é arriu er vro:

Hag a lâro e'it kenavo:

42

D'ar c'hefeleg hag a gavan :

«Petra zo er vro ar guellañ?»

«Kaouled ha laezh-tro» respontan.

13

«Nend eus a-barzh, lâr ar paour-kaezh

— 'Ma é arriu ha eñv é tec'h —

Met krougerezh ha lazherezh.»

14

Daousto nend eo ket brav ma son,

Me gan atav a greiz kalon:

Rak hed-ha-hed ema breton.

15

Hañval doc'hin, kanit c'hoazh gwell: o

Enor berped da Vreizh-lzel, hor bro

Ha dezhi holl chomomp fidel àr un dro.