AR LOAR (26)

 TON GALLEG 

Pa oan get ma mamm àr he brec'h — p'oan tener

Me 'm beze plijadur seul gwezh — get ar loar. 

Bremañ c'hoazh pand on arriu bras — me gav kaer 

É klevet ar farsoù a bas — doc'h ar loar. 

 2 

Gwelet 'm eus bet: ar mor bras — e koler 

 É honet d'ar lein ha d'an dias — lan a herr 

Ne gredan ket e gwirionez — 'ma ar loar 

A zo penn kaoz da gement-se — ur mister, 

 3 

Bout a zo tud a pa vênt klañv — den ne oar 

A damall ruz hañv ha goañv — na d'ar loar; 

E kreska o drougoù muioc'h — d'ordiner 

Seul gwezh mah ta da vout brasoc'h — nag ar loar. 

 4 

Bout a zo re hag a lâr c'hoazh — 'ma ar loar 

A ra sur mat er vro-mañ razh — an amzer 

 Ha ne vez ket na glav na heol — pa garer, 

Met a pa chañch ar loar a daol — seul karter. 

 5 

Int meump ar labourizion-douar — kent gober 

Meur a labourioù en arvar — sell ar loar, 

Ha doc'h mah vez troet he c'hornoù — vez dañjer 

Hadiñ an douar meur a draoù — a laker, 

 6 

An dud doc'h ar loar en em glemm — hemp dober 

Ma nend eo èl an heol ken tomm — ema kaer 

He gwelet e kreiz stered — ha deverr 

Rak ne ra poan da zen erbet — met d'ar laer. 

7

Evidin-me n'ouian netra — en afer 

Met seul gwezh din, servij a ra — mont d'ar gêr 

A pe vên dre-se é postal — èl lod kaer

E'it pas aesoc'h en toulloù fall — hemb dañjer. 

8

Ur c'hres a c'houlennan get Doue — mah vo loar 

P'arriuo man diwezhañ deiz — hag an eur 

Mah c'hellin splann get an Ankoù —  en amzer 

Monet da gas ma faperioù — da sant Pêr.