MATEZH-KÊR (21)

TON SCOTTISCH

Me zo-me hiniv an deiz, ya,

Matezh-kêr ha ne ran netra.

N'em eus ket 'maet un dra d'ober

D'an Aotrou e wele mod-kêr.

2

Me zo aes hag eürus enta

Amañ é c'hounit mam bara.

Honnañ a zo skañvoc'h micher

Evit bout get ur labourer.

3

Honnañ a zo ur vicher skañv:

Skubat, torchiñ hañv ha goañv.

Gwezh erbet edan glav na heol.

'Maet servij an Aotrou doc'h taol.

4

Servij kig rost ha kig bevin

En e werenn diskarg ar gwin,

Ar c'hafe du, servij katev;

Àrlerc'h azeziñ àr ma revr.

5

Un danterig gwenn dirakon

Kaeroc'h evit ma c'houef pardon.

Stagelligoù gwenn displeget

Ha ne grosont ket gwezh erbet.

6

Me zo gailhart ha ken poupin

Me zo ker brav ha ken lidrin

Ha gwezharall e oan ken rous

E-mesk an douar, ur vicher lous.

7

E-pad ar blez hersiñ mizer,

Jujet bemdez d'ar gwall-amzer,

Ha 'barzh amañ gwarantet mat

Hag àr man goar é labourat.

8

Àr ar maezoù p'oan matezh vras

Nag a boanioù bemdez da bak.

Labourioù start e tro ar blez

Hemp achiumant, na noz na deiz.

9

Met bremañ me zo matezh-kêr

Kazi nitra erbet d'obér.

Get joa e lâran kenavo

D'ar re zo chomet 'barzh ar vro.

10

Ha neoah vez sellet mat

Heni èldomp ne sav tiad.

Ar 'liesan ni za e kêr

'Vera hon buhez en hanter.

11

Gounit argant vez gwraet muioc'h

Met kuitaat ho pro zo ret deoc'h.

Nag e vehemb aesoc'h e'it aes

Gwell enta chom c'hoazh àr vaez.