AR SKOLAEREZIG (22)

TON KOROLL

Me zo skolaerezig e kouvant Kemperle,

Àrc'hoazh eh in d'ar gêr ma c'halon lan a joa.

Ya benn àrc'hoazh kentañ e kemerin an hent

E'it pas un tamm amzer e-mesk get ma c'herent.

Me garehe er-walc'h nepas donet en-dro

Ha chomel evit mat get ma zud 'barzh ar vro.

Chom get ma zud er gêr a zo ma holl dezir ;

E kouvant Kemperle an amzer a zo hir.

— M'houlenn enta gete, un tammig dousigoù;

A chomel genoc'h er gêr ha lezel ar skolioù.

Genoc'h ma zad, ma mam me c'houlenn kement-se!

Ma flijadur vo bras mar rit ma voloñtez.

— «O, nepas sur ma merc'h», din-me e respontont

Rak 'benn un deiz pe daou c'hwi yay c'hoazh d'ar c'houvant

Monet en-dro d'ar skol da gouvant Kemperle

A zo rekis plac'hig a-wael daou pe tri blez.

Ha get voloñtez Doue, na mar ta deoc'h ar c'hres

C'hwi yay diwezhatoc'h marse da vout leanez.

Klevit ar chomzoù-se me 'm boa em hiriset;

Me bleg izel ma fenn, ma c'halon glac'haret.

Me bleg izel ma fenn, an dour em daoulagad

Met ret e oa sentiñ, doc'h ma mam ha ma zad.

Me vo skolaerezig e kouvant Kemperle

Met ma c'halon lâr din: leanez ne vin ket-me.

O nann, ne vin ket-me leanez e mam buhez;

Dimeziñ 'lâran ket, abred eo c'hoazh an deiz.