Gwilham ar Borgn - Gwazh-Fantan-Vat

GWAZH-FANTAN-VAT (72)

GWERZENN

Redit gwazhig vihan é kuitat ho plomenn

Ho tour a zo ken spis, ken sklaer èl ur werenn,

C’hwi zo bet a viskoazh anvet Gwazh-fantan-vat

N’hoc’h eus ket ho parez e nebtu er c’hornad.

Kuzhet en ur bod koad, hañval doc'h un neizh moualc’h

Ar fantanig roa dour d’ar wazh vihan he gwalc’h.

Nend eus ’maet ur rigol e’it kas an dour d’an dias

Rak traoù estimet mat ne vênt ket biken bras

Met ken kreñv vo d’an hañv èl da greiz ar goañv

Na deiz erbet er blez ne chomo da zihan

«Bannig dour fresk ha mat c’hwi zo lan a vertuz

Kalz muioc'h e’it n’en deus lennad vras an Dourdu.

Ne weler en-dro deoc’h ’maet yeot tro ar blez,

Nebeutoc’h d’ar goañv e’it d’an amzer nevez —

C’hwi zegas ar beler tro-distro d’an aoglenn

A ra touziñ bep blez seizh gwezh kein ar flourenn.

Bezet abred, diwezhat, c’hwi ra d’an traoù glaziñ,

Pa gouezh erc’h àr an douar e vez yeot da droc’hiñ.

Gwelet vez é sec’hiñ ar lann er lannegi

Hag e tro deoc’h fantan e seblant miz Mari

Met an hent hoc’h eus d’ober zo berr doc’h an daou du

Mad oc’h lonket kentizh e kreiz gwazh ar Froud-du.

Honnañ ho kas geti pellikoc’h àr he goar

E’it ho taoler a-blom en un toull e gwazh Sar

Gwazh-Sar a zo ’gozik etaldoc’h èl ur mor

Hi zo hir ha ledan a zo don ha digor

Met petra kement-se e-tal ho bannig dour?

Mar talv Gwazh-Sar moneiz c’hwi hempken a talv aour

Hi zo ar muzul bras, c’hwi zo ar wezh likeur

Evet dour ho fantan vo berped mam boneur.

Notennoù Yezh

{Gwazh-Fantan-Vat D Goeh-Fetan-Vat – Goëz-Fantan-Vat àr gadastr Napoleon, Goëzerfetanvat àr ar c’hartennoù IGN. An anv a gaver àr gartenn kadastr Napoleon hag ar c’hartennoù IGN a ziskoueza splann a venn ’ta an anv: gwazh a vez skrivet bremañ, kredapl e veze distilhet an gwez(h) gwezhall. Gwe(z)h avat get an holl a-c’houde gwerso, èl e peurest bro Gwened. Ar stumm fantan, a gaver ivez àr gartenn kadastr Napoleon, a ginnig un diskoulm anat a-walc’h d’ar gudenn a sav pa glasker skriv ar ger «fetan» (feunteun). HaB a oa techet d’impleiñ ar stumm-se ivez, ma ’meus soñj mat!}

redit D ridet!

ho plomenn (plomenn = mammen evit GaB)

Ho tour (dour D daor/deur [Gwenedeg uhel]

a zo ken spis, {spis ha sklaer er memp frazenn: ne welan ke forzh spis D spes = ne welan ket gwall sklaer}

a viskoazh anvet GFV} anvet {anvet D hanùet – un «h» a vez klevet, n’eo ket bet skrivet amañ}

Gwazh-fetan-vat { Gwazh-fetan-vat D goeh-fetan-vat}

{daoust hag anvet ema bet èl-se a-viskoazh? Pegours eo daet Gwez(h) da vout distilhet gwa(z)h (goeh)?}

N’hoc’h eus ket {n’hoc’h eus ket (n’ho peus ket… D ’peus [t]cheut…) hiriv!) ne hues ket }

e nebtu {fari: e nebtu = e neblec’h / GaB: énep tu (!) er c’hornad.

Ar fantanig roa {ra = roa D ra/ ober v roiñ}

dour d’ar wazh vihan he gwalc’h {gwalc’h sk: ho kwalc’h ’peus bet? = trawalc’h a voued ‘’peus bet?}.

Nend eus {nend eus = n’eus = ned eus = ne ’z eus m}

’maet {’maet = namaet = nemet}

e’it = evit / e’it tost bep gwezh àr ar lec’hienn-mañ, evit pa skriv GaB aveit avat}

kas an dour d’an dias {skrivet eo d’an dias / sur on e vez lâret d’an nias get ar lodenn vrasañ ag an dud}

Rak traou estimet mat ne vênt {vênt = vezont > stumm boaz} ket biken bras

ken kreñv {kreñv D kriù ERN : kréu ha krean genin}

ne chomo da zihan {dihan / dihaniñ = ehaniñ / dihanoù skol = ehanoù skol}

lan = leun / fantan = feunteun / gran = greun }

a vertuz {vertuz D vertu èl e galleg}

Dourdu D Dordu / dour D d(a)or / deur}

’maet yeot {geot D yeot}

{glas eo ar yeot èl-rezon}

tro ar blez, {tro ar blez = e-pad tout ar blez}

d’an amzer nevez {amzer nevez = nevezamzer / nevezhañv – nevez D neùé} —

tro-distro = tro-dro a vez klevet alies

bep blez = bep bloaz D sandhi bepPle/beploa(z)}

seizh gwezh {seizh gwezh D seizh kwezh – sandhi arall}

kein ar flourenn. {flourenn = ar yeot flour ha druz pechañs}

Bet {bet > bet-ha(g) / betek}

c’hwi ra d’an traoù glaziñ = c’hwi laka an traoù da vout glas (glasaat ivez Gw: GABAV)}

er lannegi {lann> lanneg U/lannegi L}

Hag e tro ~~doc’h (???)~~ deoc’h(???) fantan e seblant miz Mari {frazenn digomprennus!}

doc’h an daou du {(d)eus an daou du}

gwazh ar Froud-du. {Skr Fretu = froud+du sandhi FroudTdu D Freutu}

Honnañ {honnen = honnañ (an «n» a glever er fin alies)}

àr he goar = èl ma plija dezhi = dousigoù = n’a ket forzh buan enta

taoler = teurel}

a-blom { a-blom = war-eeun d’an traoñ}

’gozik {’gozik Skr «kozik» get ar lizherenn «k» a vez klevet kalz er VP pa ra rannyezhoù ’rall get «kazimant»«ka(z)i»… !/ «ogos», «hogos» kentoc’h er yezh skrivet ivez - agos e kembraeg a sinifi tost} etaldoc’h èl ur mor

e-tal e-keñver ho bannig dour? {e oan o c’hortoz «ho pannig dour» avat !

moneiz D monei}

c’hwi hempken a talv aour {e oan o c’hortoz a dalv aour}

Hi zo ar muzul bras

c’hwi zo ar wezh likeur {ur wezh likeur = ur werennad (tasad!) likeur ERN: evet a wezhigoù = evet tasadoù bihan = evañ lommigoù bihan}